![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Komisioni i Disiplinës së Federatës Shqiptare të Futbollit ka reaguar në lidhje me incidentet e ndodhura në ndeshjen Kukësi-Partizani. Në mbledhjen e sotme, Disiplina ka dënuar me katër ndeshje pa tifozë Partizanin. Ndërkohë që ky komision ka kërkuar që KF Partizani të zhdëmtojë stolat e thyer në stadiumin “Zeqir Ymeri” të qytetit të Kukësit. Mirëpo, nuk ka kaluar pa gjobë edhe klubi i Kukësit. Për dështim në përmbushjen e përgjegjësive me pasojë sjelljen e gabuar të tifozëve, klubi verior është dënuar me 100 mijë lekë. Ja vendimet: “KF ‘Partizani’ për sjellje të gabuar të tifozërisë së saj në mënyrë të përsëritur, dënohet me katër ndeshje pa spektatorë në ndeshjet e radhës. Detyrohet KF “Partizani” të zhdëmtojë stolat e thyer në stadiumin “Zeqir Ymeri” në qytetin e Kukësit. KF “Kukësi”, për dështim në përmbushjen e përgjegjësive me pasojë sjelljen e gabuar të spektatorëve të saj, dënohet me 100.000 (njëqindmijë) lekë”.
Për të marrë lajmet e fundit të “Gazeta Shqiptare”, ndiq faqen tonë në Facebook.